POLICIA - 29 Gusht 09

http://www.ditaripublik.blogspot.com/

POLICIA

Fati e deshi qe ne sheshin DAM te AmstelDAM-it te zhvillohej koncerti i radhes i aktiviteteve te fundjave. Gjithcka falas. Elementi me humoristik i ligjit nuk mungonte, policia. Te rreshtuar si birrila te shperndara kudo shihje nje biond apo bionde me kemishe te bardhe e pantallona blu.

Misioni , te ruanin qetesine e te benin zap nje grumbull turistesh te dehur nga aroma e lirise qe ndjell e kundron ky qytet tip. Me kufje alla Sokol Balla, te bardha e te perdredhura degjonin njoftimet e radios ose muzike nga Radio "Sex FM".Mu ne hunden time me ishte ndalur nje cift policesh rreth te 30-tave njeri me i bardhe se tjetri ku gjatsia e secilit kalonte 1.80.

Te hipur mbi bicikleta me kaskete mbi veshe po bisedonin per dicka qe dukej interesante. Pasi sqaruan disa qytetare me permbajtje fshatari kinez u penguan per te vezhguar sheshin nga nje individ pak i tymosur ne marihuane. Burri me floke te rene perpara dhe me fije te sterzgjatura mbrapa duhet te ishte rreth te 50 por peshonte po kaq. Me nje lekundje tipike sizmike i qendronte para polices bionde te varuar ne biciklete si nje traste ushqimesh mbi tryeze.

Permes syzeve te saj mbrojtese pa ngjyre dukej ne thellesi imazhi i njeriut bezdises qe fliste per politiken, muziken apo ndoshta edhe per Shqiperine...ku i dihet. Pasi i kerkuan te largohet nga pamja e tyre burri i thate mori poza serioze , ngadalesoi ritmin e lekundjes dhe pasi mblodhi xhaketen ju pergjigj se ishte qytetar i lire dhe mund te rrinte kur te donte dhe ti fliste kujt te donte. Pasi pane se asnje ligj nuk ishte thyer cifti i rinj i policeve ndezen dritat e bicikletes dhe u zhvendosen ne nje tjeter pozicion strategjik.

I gjithe ky pershkrim ishte per te treguar se mbajtja e mjeteve te levizjes tek policia e AmstelDamit shpjegonte edhe rangun. Polici me i thjeshte ecte ne kembe. Nje rang me lart ishte ai me patina, Shefat e operacioneve me bicikleta, ndersa te medhenjte ishin me kuaj. Bukur do ishte te benim te njejten gje edhe ne mrekulline tone shqiptare. PSH, polici rrugor me emrin Hamdi qe shpesh e gjen afer 21 dhjetorit apo Drejtorise se policise , ta leme ne kembe duke i aplikuar standartet "europiane", pasardhesin e Krenar Ahmetit ne Komisariatin e rrugores ta nxjerrim me patina, Ahmet Premcin me biciklete dhe Bujar Nishanin me kale. Po kryeministri me cfare mjet transporti duhet te levize???

Mos harroni te beni komente pozitive per zyrtaret pasi http://www.ditaripublik.blogspot/-u pergjohet.

Shi ne NewMarkt

Nje kinez me pamje nga Honk Kongu ishte imazhi i pare qe mu shfaq sot, pasi eshte personi qe me shume se ndaj shtepine ndaj leket qe paguaj per te. Rruges per ne New Markt shoh qytetin qe pertoi te zgjohej sot meqe eshte e diele. Por dielli qe perplasej ne asfalt i nxit te dalin jashte per karikim , pak a shume si baterite e tilla. Asgje interesante sot por dje po ama. Pas xhiros se zakonshme ne lagjen me drita te kuqe ndala hapin ne sheshin ku po pi helmin e perditshem tani , kafene , ne NewMarkt. Quhet keshtu se eshte qendra me e vjeter tregtare ne bote. Uh se mu kujtua para se te ndalja hapin ketu mbreme me ndali frymen Megi, keshtu vendosa ta quaj nje engjell qe pashe ne nje vitrine. Bionde rreth 1.80 me e rrumbullakosur nuk behej dhe me nje pale sy gozhdues. Qendrova dy minuta nga larg pasi sdoja te bija ne sy , duke e pare per ti gjetur defektet ne pamje. E tmerrshme. Nuk gjeta asnje. Sy te perkryer, perkulje tunduese dhe levizje pushtuese. Keto momente ajo lutej duke bere me shenja qe edhe mashkulli me i peshtire ti afrohej. Nese nuk do ishte ne ate vitrine edhe mashkulli me i bukur do peshtirosej duke i shkuar mbrapa fundit te saj qe here here ngrihej pa dashje si nje adoleshente e pafajshme dhe naive. Pra vetem nje dere e ndante nga ndryshimi radikal dhe ate dere nuk e kapercente. Kush e di se pse. Fati e deshi qe isha mesuar me skena te tilla pasi perndryshe do thyhesha si cope xhami para deres se parajses se saj.Leviza kembet me pertese dhe pashe nje grumbull njerezisht ne shesh qe po ndiqnin nje koncert te nje zezaku jo shume te zi qe recitonte me muzike. Hapesira e NewMarkt ishte e mbingopur. Sheshi nuk mund te mbante me shume njerez mbi shpine por as i nxirrte jashte me zor. Iu bashkova turmes per tu bere njesh me ta si nje trup i vetem. Shpertheu shiu sikur nje gjigand po derdhte nje kove me uje qe spo mbaronte. Por njerezit si me te zgjuar se ai qe i lufton nxorren nga xhepat armet e tyre personale dhe kolektive. Cadrat por me shume edhe mushamate qe ishin rreth 10 metra katror dhe mbronte nga kjo perplasje e lageshtires me thatesine rreth 25 persona. NewMarkt ishte mbushur me njolla njolla te kuqe e jeshile ne varesi te mushamave 10 metroshe. Si per inat shiu u rendua dhe po keshtu edhe mushamate. Tashme ishte me e veshtire te mbroheshe nga ky sulm. Pasi pashe qe shiu ishte i vendosur te me lagte dola nga vendstrehimi provizor dhe ju drejtova ti hip dashurise sime...bicikletes. Mes shiut bresherit dhe vetetimave qe shkrepnin si aparat fotografik minut pas minuti sosa ne shtepi. Nje daleron dhe gjume.